Engelbert Bach

Brücknschlag


Mancha

von dia junga Brückn

hopfn mit een Satz

übern Mee,

und mer wunnert sich,

daß sa guet und truckn

drüem oukumma.

 

Dia ältern Semester

sen vorsichtier

gawasn.

Wia Kinner im Summer

schteichn sa

mit dia blankn Bee

langsam neis Wasser,

als müßtn sa

an festn Grund süch.

 

Äim an Ewichkeitsgrund.

 

Sa verstehns halt,

daß guet it,

mehr Schtandbee

zu ham.

 

Denn as kann

hochs Wasser gab.

Und aa mit dia Eisscholln

its niet sou lusti.

 

Dia ollerhand

Pfeiler im Fluß

dörftn schuld sei

an ihrem hochn Olter.

 

Obs dia

Olympia-Weitspringer

unterm Brücknvolk

aa sou lang aushaltn?

 

Mer frögn eefach

in fümfhunert Johr

amol nach.


zurück
Gedichte