"Nunni un Ummersunsd"


Unner Leid hamm glebbd in Zamm un Hamm

Im Gleing un im Selm un im Gloorn un im Dunsd

Durch Meeng un Greeng un durch Hoom un Geem

Gloochd hamms ihr Nunni un griena ihr Sunsd

Leid un Kinner un Fresch un Bälch

Gschossn un gwaggsn un gschossn un gfalln

Leid un Kinner un Sorng un Särch

Drauerd un gfreid un graggerd un gfalln

Alla hamm glebbd innam niedlin glann Dorf

Gloggn hamm gliedn un Blumma hamm bliehd

Doodnniss in Diedn un Schnuller un Schorf

Redderspitz un Saifedd ums duggserde Gmied

Allrahand Leid, Bagaasch un Konsoddn

Gjuxd hamms ihr Frieher un kupfd sinns im Etz

Neibaamd widdi Biffl un neiglaand in di Doddn

Strawanzd um di Fichdn un danzd ummern Betz

 

Jeeds hadd sei Ergndaans grichd

Jeeds hadd kann ergndwos glaud

Jeeds woor an alla un allrahand bichd

Jeeds un alla hamm vil odder weng baud

 

An ergndaan Dooch woor ergndwos hie

An ergndaan Oomd woor ergndaans gstorm

Aaner hadd breedichd vo Nämmer un Nie

Vo Däddnedd un Däddfei Sunsdseiderverdorm

Blooch un Schwaaß un Sorng hamms begroom

Dooch fier Schlooch un Johr fier Groob

Fleißia Händ vergroom fiers Widdersehng droom

Weng is wu blabbd un is Bleim grichd weng Loob

 

Alla midnanner un alla verganga

Bei jeem annersch un bei alla gleich

Alla fier alla un jeeds allaans

Jeeds a schweera Gebodd un alla a scheena Leichd

 

Singmer ihr Scheewoors stooßmer oo auf ihr Schooddrum

Ihr Wenni un Häddi ihr Nunni un Ummersunsd

Fodd ausm Drodd alls nunder di Gruum

Leid mid an Dauch obber weider kann Dunsd


zurück
Gedichte