Neigierig

von Samuel Bach

 

 

O Tanta, sogt da Doktas-Fritz,

loß in dei Maul neilanga!

Geh, sogt die Tanta,

garstga Buu,

wos willst denn do oofanga?

 

Ja, sogt da Fritz,

da Vadda hot erst gestan gsocht zur Mudda:

Morng kummt die Tanta,

die is fei a recht a eirissigs Luda.

 

On der ihr Oort,

do konni mi mei Letta nimma gwehna

und doch derf mas verkrippln net,

oba die hot Hoor af die Zähn.

Drum Tanta, sperr etz auf dei Maul,

i will di ja net schlochtn,

iech will ja bloß die Hoor amol,

af deina Zäh betrochtn.

 

zurück
Gedichte